أمثال وهدرة ناس زمان

من طرف سهام الامل الثلاثاء يوليو 14, 2009 12:00 pm

ضربوه يستهل الضرب ....والطريحة معمول عليها ....هذاك جزاء من يوسع على الناس ....ونفسه يضيق عليها
من يامنك ياكحل الراس....ماشينك بطبيعة ....الس يضحك للن .... والقلب فيه خديعة
ياللي تعيط قدام الباب.... عيط وكون فاهم ....مايفسد بين الاحباب.... غر النساء والدراهم
سافر تعرف الناس .... وكبير القوم طيعوا.... كبير الكرش واراس ....بنص فلس بيعه
كيد النساء كيدين .... ومن كيدهم ياحزوني ....راكبة على ظهر السبع....وتقول الحداء ياكلوني
حديث النسء يونس.... ويعلم الفهامة ....ييروا شركة من الريح ....ويحسنولك بلا ماء
لا تسرج حتى تكجم .... واعقد عقدة صحية .... لاتتكلم حتى تخمم .... لاتعودلك فضيحة
راجل بلا مال محقور.... في الدنيا مايسوى شي ....المشرار كي الدلو المقعور .... يوصل للماء ويرجع بلا شيء
نوصيك ياكاس الخبز.... اعمل الكسرة الصغيرة .... راه اللي جاك مرهام ....يرفد الكسرة الكبيرة
من الثلج عملت مطرح .... وبالهواء غطيت روحي ....من القمر عملت مصباح ...وبالنجوم ونست روحي
الدنيا مثلتها ....مايلبسها غير اللي يشطح ....يلبسها ويدوح بيها ساعة ....وينكد عليها بعد مايفرح
تخلطت ولابات تصفى .... ولعب خزها فوق ماها .... رياس على غير مرتبة ....هوما سباب خلاها.
حطيتها تبرد .... جا من لقفها سخونة .... هذا هو ذنب من يبرد...خير المواكل سخونة

من طرف kellil mohamed الثلاثاء يوليو 14, 2009 1:03 pm

كلام ناس كبار هذا

يعطيك الصحه اختي

فكرتيني في الجده هي الي تحب تقوللنا كيما هكذا

من طرف سهام الامل الثلاثاء يوليو 14, 2009 8:36 pm

حقيقة انا ديما محب نسمع كلام الكبار لانو فيه حكم كبيرة تقدر تفيدنا في حياتنا بزاااف
امالا نصيحة اللي عندو جداه مزالت حية يحاول انو يعتبر من الكلام اللي تقولو
ويعطيك الصحة خويا خليل وربي يحفظلك الجدة

من طرف **djnouh** الثلاثاء يوليو 14, 2009 9:48 pm

اييييييييييييييييييييه يا سهام الامل هذي كلام عجايز زمان و هدرتهم هدرة رزينة

ماشي كي بنات اليوم مايعرفوا يديروا والوا لا شغل البيت و لا طبخ في الكوزينة

هههههههههههههههههههههههههههههههههههههههههههههههههههههههههههههههههه

ما تزعفوش يا بنات حواء هذي هي لحقيقة منشورة كي نسمة لهواء

باين بلي نخدم امثال هههههههههههههه حوحو يشكر روحو ولا نقولكم

نوحو يشكر رووحووووووووووووووووووووووووووووو

سلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

من طرف **ربيع الحب** الأربعاء يوليو 15, 2009 5:50 am

بووووووووووووووووووووووووه عليك يا نوح
صح الكلام هذا كلام رزين اي هدرة لكبار بصح احنا لبنات
نتعلموا درجة درجة اكي
اماكلاه تعايرنا رانا واعرات بزاف الكوزينة ذرك ولات للرجال ههههههههههههههههههههههههههههه
المهم مشكووووووووووووووووووووووووووووورة يا سهام الامل على المشاركة

[ندعوك للتسجيل في المنتدى أو التعريف بنفسك لمعاينة هذا الرابط]

من طرف **abdelhake** الأربعاء يوليو 15, 2009 8:12 am

مشكورة
هدرة في الصميم

من طرف سهام الامل الجمعة يوليو 17, 2009 1:21 pm

مشكورين اخوتي على المرور الكريم
احنا على الاقل النساء قادرين نعرفو ونخدمو كل شي ميش كيا انتوما الرجال احنا نخدمو برة وفي الدار
نتوما كون تخطيكم المرى تباتو بالشر واذا كليتو تخلو الحالة
صح جيلنا ميش كي نتاع بكري بصحنتمنى من البنات نتاع ضرك يحاولو على قد ماقدرو يتعلمو من عند جداتهم .شوفو ابسط حاجة كي تتعلموا مثل كيما هكا يقدر ينفعك بزاف .على الاقل كي كشما قلكم واحد اعطولو مثل شوي مبهم وخلوه يكسر راسو فيه

من طرف **djnouh** الجمعة يوليو 17, 2009 1:49 pm

باباباباباباااااااا عليك يا سهام الامل دخلتي حارة بزاف

واش بيهم الرجال يا سهام جاوبيني هههههههههههههههههههههه

ما تتقلقيش راني غير نلعب هههههههههههههههههههه

بصح نعرف نقول امثال ههههههههههههههههههههههههههههههههههه

سلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

من طرف سهام الامل الثلاثاء يوليو 21, 2009 12:07 pm

مابيهم الرجال والو ياسي نوح بصح اواحد يدي حذرو منكم برك
لا مانتقلقش عادي وميش قصدي نقص من شانكم ولا
كي عدت تعرف تقول امثال كون رجعت على كلامي بمثل
راني مزلت نستنى في المثل

من طرف **djnouh** الثلاثاء يوليو 21, 2009 4:31 pm

نخاف نرد عليك بمثل تزعفي هههههههههههههههههه

عندي امثال عن المراة كثيرة لا تعد ولا تحصى سلاااااااااااااااااااام

بصح نتي الي راح تجاوبي وكيما قلتي ..

ياللي تعيط قدام الباب.... عيط وكون فاهم ....مايفسد بين الاحباب.... غير النساء والدراهم

كيد النساء كيدين .... ومن كيدهم ياحزوني ....راكبة على ظهر السبع....وتقول الحداء ياكلوني..

ماتزعفيش رانا غير نلعبو سلااااااااااااااااااااااااااام

من طرف سهام الامل الخميس يوليو 23, 2009 10:00 pm

لا عادي خويا نوح قلبي كبير وحتى انا نحب نلعب مكانش مشكل خاصة كي يكون مابين جنسين مختلفين لاكتشاف بعض الخبايا
المهم ولاه النساء راهم ساهين ولا قد ماتحاول معاهم رايحين يغلبوك بنية ولا بحلةولا باي شي النساء ماتقدرش عليهم ماغلطتش الشيخ المجذوب كي قال هذو الامثال
اكيد انت شفت بلي كاين قصص بزاف على انو زوج كانو اصحاب وحتى اخوة فسدت علاقتهم وراح كل شي بسبب المراة حتى لو كنت ميش بنيتها تفسد بيناتهم
ونقلك حاجة اخرى انو يقلك اذا كان الشيطان معلم الرجل فهو تلميذ المراة
والمراة كي تقول حاجة تقولها وكي تنوي تديرها اكيد تديرها
بصح هذا على عموم النساء ميش اكل كاين نساء الله غالب عليهم
ومشكور خويا نوح على التفاعل نتاعك-ميش تفاعل نووي بصح تفاعل مع الموضوع-هههههههههههههه

من طرف **djnouh** الجمعة يوليو 24, 2009 8:49 am

مشكورة اخت سهام الامل الهدف من امثالي وردودي هو اضافة طعم النقاش و الحوار

والبعض من نكهات الضحك والطرافة

صحيح ان النساء واعرين وهما لي حطوا الشيطان في قرعة

وكي يحضروا النساء يضرب الشطان ( يقرف) ولا يحكم كونجي ملادي هههههههههههههههههه

سلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

من طرف سهام الامل الأحد يوليو 26, 2009 10:38 am

سلام خويا نوح
شفت مليح النساء كل مايزيدو السنين كل ماراهم يزيدو يعني الشيطان خلاص رايحين نحوه من طريقكم
فينا فايدة
اهلا وسهلا بيك خويا والله عادي متقبلة اي كلام تقولو ومانزعفش لانو هنا كيما قلت للحوار واضافة بعض نكهات الضحك

أمثال وهدرة ناس زمان

أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان

رد: أمثال وهدرة ناس زمان