البربوشة او الكسكسي

المقادير:
1كيلو بربوشة. 2حبات بصلة .حبة ثوم. 2ملاعق كبار معجون طماطم. زيت . ملح .حبة طماطم. دواوات(بهارات):فلفل أحمر. فلفل
اسود.كسبر.فلفل حار.خضر(حمص،لفت، خرشف، جريوات،حسب الرغبة)،دهان حار أو زبدة وأخيرا دجاجة أو لحم حسب الرغبة.
طريقة التحضير:
نأخذ البربوشة في قصعة نغسلها ثم ندعها حتى تجف،ثم نفتتها بالملعقةثم باليدين ،نضع بعض الملح فوقها ونضيف قليلا من الماءونحركها بيدينا،نقوم بكل هذا بعدما نكون قد وضعنا القدر(البرمة)فيها الماء يغلي ،نضع البربوشة في الكسكاس فوق البرمة وندعها حتى تفور.
نقشر البصل و الثوم و الطماطم نرحيوهم في الرحاية ،نديرو الطماطم الأخرى ، نصف كاس زيت ،ملعقة و نصف ملح ،راس فلفل حار، البهارات في قدر آخر(la cocote)نقطع الجاجة إلى قطع أو اللحم و نظيفها ،نضع القدر فوق النار ونحرك جيدا حتان تتقلّى ثم نضيف الماءحتى تتغطى الدجاجة او اللحم الذي وضعته. عندما تفور البربوشة نحيوها ونحطوها في القصعة،نحركها بالمغرفة ثم باليد حتى تبرد ونديرولها شوي دهان او زبدة او زيت ونضيف كمية قليلة من الماء،ونعيدها الى الكسكاس ثم البرمة وندعها تفور.
بعدما يغلي المرق مباشرة نضيف الحمص،اللفت ،الخرشف داخلها ونغلق عليها.
لمّاتفور البربوشةنحيوها ،نحطوها في القصعة نحركوها ونبردوها قليلا ثم ندهنوها بالدهان او الزبدة ونضعها في الصحون،نزينها بالخضر(حمص،لفت او خرشف)نضع فوقها الدجاج ونسقيها بالمرق.تأكل مع سلطة او لبن او مشروبات. هي سهلة جدا.[/b]

السلاو عليكم
الف شكرليك اخت مليكة والله شهيتينا فيهم
يعطيك الصحة

الله يسلمك خويا وان شاء الله تاكلها في القريب العاجل

نشالله ناكلها من ايدك انت كيفما قلتي في القريب العاجل

هههههههههه خطيني الطبخ انا اذا كليتها من عندي نكتبلك طريقة التحضير في ورقه انا نعرف نكتب في الاوراق برك خاطيني الطياب ههه

معليش حتى هكدا وصلت راها بنينة بزاف تسلم الايادي

ههههههههههههههه بصح احنا بني مسيل نديروها حارة تقتل

هاكداك تزيد في البنة

شكرا علي طريقة التحضير

وصفة رائعة لطبق رائع .كي قريت المقادير شفت كلمة دواوات .مع الاول عمبالي دواء.بصح هادوك يقولولهم توابل ماشي دواوات

شكرا احتي على الطبق اللذيذ

كاين اشهى منو في نظري الشخشوخة يا اختي شودا

وبالنسبة لفيروز وشيه الدواوات و وشيه التوابل

الاولى بالعامية وكاين لي يقولولهم لفواح

والتوابل بالفسحة

لفواح يقولوها صح.كاين فرق بين تابل و دواء لوكان ما كانش فرق مايكونوش 2 حوايج.باغية نقولك سمي الاشياء باسمائها

ههههههههههههههههههههه

بارك الله فيك

بارك الله فيك

بارك الله فيك