كلمات ذات لحن

قالو بنى ادم و انسان و بشر!
قالو ياما شمس و نجوم و قمر!
قالو حواديت طول الليل بنهار اتقفل!
قولت انا ده من المالك قضاء و قدر!

كلمات ذات لحن

شافو فى عهده اشكال و الوان!
و مسكو على يده كراسه و علبه الوان!
دابوا دوب من الشوق جوه القلوب!
اه يانا منه اللى اسمه لسان!

كلمات ذات لحن

خافوا حبوا عاشوا عليها و ماتوا!
عارفين ايه معنى روايه فاتوا!
ديه روايه مليانه شجن!
و مليانه المصرى و عاداته!

كلمات ذات لحن

اه و الف اه منك يا حياه!
فرق بينك و بينه سواه!
و انتى الجراحه المعروفه بالاسوه!
و انتى المرض و انتى دواه!

كلمات ذات لحن

على شط العشاق خدتنى مركب!
على البحر تهز و تكركب!
من السنين ليل بعد ليل!
تعدى على الجزر تركب!

كلمات ذات لحن

و الطير طاير يغنى فى السما!
غنوه زمان غنوه على الهوا!
ياه على ده الاحساس !
معقوله يكون فى ده الوله!

كلمات ذات لحن

وعدى لما تعدى اخد ميعاد!
و لو مش هتعدى راح امشيلها بلاد!
فيها الروح و معاها القلب يروح!
لما تشوفها تقول الله ما خلى و زاد!

كلمات ذات لحن

و الرمش اه منه و اه من رمشه!
ساحر سهران الافكار تغشه!
صعبانه عليا العين!
تعيش و تبات فى قلب عشه!

كلمات ذات لحن

فوق الجبل انا وقفت اقول الحق!
و صرخت باعلى صوتى يا دنيا لاء!
مستغرب اول مره تخاف منى!
ولا مش عارف ممكن يكون قلبها رق!

كلمات ذات لحن

فى الطريق صادفنى يا للعجب!
و فى السكك لميت مليون سبب!
و جمعت من شرق و غرب!
للعين متعلاش على الحجب!

كلمات ذات لحن

و فيك يا كون انا توهت!
من الغلب سكرت و فوقت!
رأس بلا كيف تستاهل ضرب السيف!
و لما فوقت ده اللى انا قولت!

كلمات ذات لحن

و يا سلام لو تتعلم مره!
من العسل و السكر فى الايام المره!
عايشه و هتعيش فيها او مفيش!
تبقى فى جره و تطلع فجأه لبره!

كلمات ذات لحن

ضاع العمر فعل خير!
و قلبى فاعل كتير كتير!
و الشموع قايده ترسم حب!
و انا حبى مفعول كبير!

كلمات ذات لحن

من احساس و احساس لاحساس!
تعرف ايه جوه دماغ الناس!
حب استطلاع من حس شجاع!
يعرف الباطل و العاقل و الاساس!

كلمات ذات لحن

و لحد فين نازله يا دمعتين!
على الخد ماشيه ايام و سنين!
تحلم بجفافها او بوقوعها على الارض!
تذكر عذاب و جراح و انين!

كلمات ذات لحن

و عند الامانى يا اسطا وقف!
ما بين امنيه و اختها سقف!
ياما دوبنا و شابت شعورنا!
و شبابنا ضاع و ضيعنا نتأسف!

كلمات ذات لحن

الوقت حروب اصبح مسبوخ بدم!
و المكان دروب اثاثها اوجاع و هم!
و طوبه فوق طوبه نبنى المخروبه!
و الخير على الكل يعم!

كلمات ذات لحن

و نعمه منك نعمه نشكر و نحمد عليها!
يا خالق يا عالم بقلوبنا واللى فيها!
صبرها على اللى بلاها!
و اللى لسه هيبليها!

كلمات ذات لحن

على عربيه فول كلت!
و الغنى و الفقر .الاتنين وحياتك عيشت!
كان كتير بإيدى و ساعات غصب عنى!
ده حتى اللغه بقت تتغير بألت و شيفت!

كلمات ذات لحن

و فى الحاره ياما لعبت صيادين سمك!
ياما كنت السمكه و ياما كنت الصياد و ساعات كنت شبك!
و فى كل الحالات كنت بتعايش مع اللعبه!
ما هم قالولنا زمان فى المدرسه حافظوا على الدكك!

كلمات ذات لحن

اتألمت لراجل لف بيه الزمن و جه عليه!
و بكيت لست عجوزه و الشىء مالى فيه!
بس كنت واخد مبدأى و ضمه فى حضنى!
و كنت انشاالله اموت و احافظ عليه!

كلمات ذات لحن

شوفت كتير و فكرت اكتر و حلمت اكتر بكتير!
إن الصغير يتربى و ينمى و يبقى كبير!
و يعيش حياته بأمان و راحه!
ولا يعيش حياته متعلق فى حبل مصير!

كلمات ذات لحن

و سهرت و اذاكر و خيالى بعيد يسافر!
و اسرح و ارجع تانى اقول مش مهاجر!
و لو عاش معايا التعب!
انا اعيش و من الشباك هو يغادر!

كلمات ذات لحن

على ايامكو تكون غير ايامنا و على ايامنا كانت غير ايامهم!
انتو الامل و هما مثلنا الاعلى و احنا امنا بامثلهم!
يا ريت انتو بدعوه حب و اخوه!
تكونو زينا تشبهوا شويه بس منهم!

كلمات ذات لحن

عليكى ديه سنين و عليك ده زمن!
يصنع يا انسان فيك الشجن!
و يلف و يدور و يروح و ينأى!
من فينا دوره يدفع التمن!

كلمات ذات لحن

على البرج انا بصراحه يا جماعه اتأملت!
نفس الحاجه اللى بين كل ولد و بنت!
و رحت فى النوم و صحيت بغيوم!
اتاريها عكسينا تعشق حاجه اسمها عند!

كلمات ذات لحن

و فانيا يابنى اسمعها منى كلمه فانيا!
تكون بين إيديك و تبقى فى ايد غيرك ! دنيا!
حاول تعمل فيها اللى يفضلك!
و تسيب تاريخ قوى لو عشت حتى ثانيه!

كلمات ذات لحن

و دعائك يا كروان فى ودنا كان ياما كان!
كان فيه حكمه و موعظه و كمان كان!
زى الخيل و احتياجاته ليك انت!
ميمشيش بيك خطوه من غير عنان!

كلمات ذات لحن

ابويا كان عليه الهم بدرى و بدرى يشيب!
مع انه طول عمره فى حاله و طيب!
من النصايح و الخير ادى مبخلشى!
و من الحياه كان ديما يعيب!

كلمات ذات لحن

شىء غريب فعلا يا دنيا حكايتك شىء غريب!
و شىء ميدخلش الدماغ فعلا و بجد شىء عجيب!
اسمك على مسمى و انت الشعر و الحنه!
رغم كل استفراداتك على قلوبنا زى الزبيب!

كلمات ذات لحن

يامه اه يامه من عذابى و نارى يامه!
نفرح و تاخدنا الدنيا و فجأه لما!
تتغير الايام و تقلب علينا!
نضعف و فينا تموت الزمه!

كلمات ذات لحن

يا بتاع البوظه ادينا ببريزه!
ادينا و كمان اتوصى دانا ابن عزيزه!
تعرفها او متعرفهاش خليك ابن اصول!
و قدرنى تكسب اهل القلعه و القاهره و الجيزه!

كلمات ذات لحن

يا اللى فيك الامل خليك على الارض علم!
لو حتى الارض تولع من جمر الندم!
مدام فيك حس و لسه بتعرف تجس!
ده ياما قبلك كانوا صحاب للالم!

كلمات ذات لحن

مولود على الحرير و برضه بتصرخ يا طفل!
و كأنها ترباس على باب و انت مخك قفل!
خايف ليضيع مفتاحه و تفضل محبوس!
تشرب كبايه الشاى تخلص تقوم واكل التفل!

كلمات ذات لحن

يا نسناس يخرب بيتك على الناس ضحكتنى!
تتشقلب و تتريق من كتر الضحك وقعتنى!
و لما وقعت ضحكتهم عليا انا متشكريين!
يا عم نسناس كنت بفتكرك خلاص فهمتنى!

كلمات ذات لحن

يجيبوا ايشى ايشى و السن عمره شفتشى!
طلع كلو فى الاخر اونطه مش ظاهر مختفى!
من المال صرفوا جبال ورا جبال!
عشان العين تفضل عليهم و فجأه تنتهى!

كلمات ذات لحن

قولت كلام مليان نغم و رنين و الحان!
غنيت و مثلت و رقصت شوق و جنان!
و الفت ققص كمان و روايات!
بس القصه كنت اخلى نفسى فيها البطل على طول الزمان!

كلمات ذات لحن

يا سينا يا سينا يا بنت الذينا يا حره يا امينه!
ترابك فوق راسى ينزل على كتافى زينه و زينه!
يوم ما رجعتى و انا صغير حبيت اشوفك!
و رحت سألت عن شكلك جدى و نينه!

كلمات ذات لحن

كنت من الصبح لليل لعيب فى الشوارع!
مع صحابى ضحك و هزار و مع نفسى سامع!
بفكر فى ايه و الفكره ديه ليه!
موصلش لحل اقوم قايل مفيش مانع!

كلمات ذات لحن

و توت توت يا واد يا صغنتوت!
فرخه و ديك و كمان كتكوت!
فى المزرعه اسره و ايد واحده!
و فى انتظار المكتوب فى سكوت!

كلمات ذات لحن

يا شمس نهار شروق و مغرب غروب!
يا شمس على نار و شوق دوبينا دوب!
يوم بعد يوم شوفنا فيكى الحكمه!
و من اول يوم شوفتى فينا القلوب!

كلمات ذات لحن

كان فى ولد على سريره سهران!
بيفكر و عايز ينام لاكن نعسه حيران!
يحط المخده فوق راسه شايل الحمل على كتافه!
تشاغلو الافكار بشعله و نيران!

كلمات ذات لحن

بصيت من الشباك لقيت عربيات رايحه و جيه!
و افضل مستنى تخلص تحتار عنيا!
امتى اليوم ينتهى!
و امتى بكره يجى عليا!

كلمات ذات لحن

يا بلبل غناك متعنى و فى القلب دق!
هز الاحساس و رعش الجسد و خلانى ارق!
خلانى اسرح مغمض عينى!
و لما تخلص احاول فيه و افضل ازق!

كلمات ذات لحن

على طريبظة الامار و الكيف اتجمعنا!
من الهموم فى عز الغلط دمعنا!
حاولنا نكون ما بقينا!
وحاولنا نصفالها لقيناها تخدعنا!

كلمات ذات لحن

مين كان على حب صبيه!
راح يسيب كل الدنيا دي هى!
و يعيش بعيد مع شعور جديد!
و لو نصيبه الاسوه يبادلها حنيه!

كلمات ذات لحن

لو كان الليل اكبر دليل!
فالنهار اكبر اصرار من الليل!
و لو كانت حياتنا ظلام فى ظلام!
بكره النور يجى لعقولنا بديل!

كلمات ذات لحن

يا كل مغلوب على امره!
يا كل ملامح سمره!
يا كل من شاف زينا!
خليك قد المغامره

merciiiiiiiii samir