لكل من يتساءل عن القطب الجامعي فسديس

السلام عليكم ورحمة الله وبركاته
الى كل الطلبة الكرام
اعلمكم انه تم فتح القطب الجامعي فسديس
حيث يضم 5 مجمعات للعلوم الانسانية والتجارة والحقوق والعلوم الطبية والتكنولوجية
وعلوم الطبيعة والحياة بالاضافة الى اقامات جامعية بقدرة استيعاب12000 سرير
بالاضافة الى ملعب معشوشب بسعة 10000 متفرج ومسبح مغطى ومكتبة مركزية مع العديد
من المرافق الاخرى التي يحتاجها الطالب كما تم ربطه بمحطة قطار.


منقول

الحقيقة رحت امس لباتنة مبصح شوكاوني بتحويل كلش لفسديس
من الاقامة الى الديبارتمون
و بالمناسبة على حسب ما رايت فهذه الفروع المعنية التي وجدتها
في انتضار فروع اخرى: الرياضة كل الاطوار
الجيولوجيا كل الاطوار
الوقاية وامن صناعي سنة اولى
البيولوجيا سنة اولى

وانا ايضا صرت من طلبة قطب فسديس
(نتوحش جامعة الحاج وناس الحاج)

وللاضافة ستكون الدراسة على حسب نسبة انجاز الاقسام

مثلا نحن فرع الجيولوجيا تم تحويل الاقامة لكن التحويل للقسم
الجديد يكون على حسب توفر جميع الهياكل البداغوجية التي تساعد على التدريس



شكرا انتظر ردودكم وارجو التثبيت

ياو خلات

لقد سمعت ان القطب الجديد بفيسديس افضل من جامعة الحاج لخضر ودلك انه يحوي على مرافق رياضية مجهزة ولقد فرحت بهدا الخبر خاصة وانا ادرس علوم و تقنيات النشاطات البدنية
انا داهب غدا الى عين المكان لارى الجديد المنتضر

العلوم الانسانية هل تضم علم الاجتماع ايضا

راني رحت امس لفيسديس راهي افضل من الحاج بصح رانا رايحين نقراو شهرين في الحاج والاقامة بفيسديس ووسيلة النقل هي القطار وراهو كل ثلاث ساعاتباش يجي يعني يفوتك تستنى 3 ساعات باش يجي
رانا رايحين نسوفريو حتى نكرهو

مليح نبدلو الجو
بصح البيولوجي رايحيين اكل يعني حتى الفروع نتاعها من النظام الكلاسيكي microbio وbiochimieو ecologie....

رانا رايحين نسوفريو بالفعل مرانيش نتمسخر راهو مانجيو روحو للحاج حتى يقتلنا البرد

ان فيسديس تقع عى مسافة مالانهاية على الحاج لخضر

ربي يكون في العون

السلام عليكم ورحمة الله وبركاته


يعني انا رحت بالامس الى القطب الجديد يعني

هو من روائع الفن المعماري ورايت معظم المرافق مثل المطعم المركزي و الملعب

لكن المشكل الوحيد الذي سيؤرقنا هو النقل في حال ما درسنا في جامعة الحاج

لفترة مؤقتة .انا لوكان ما رحتش بالسيارة لراني سوفريت وفي السيارة وتعبت حتى راني درت

نصف ساعة باه لحقت لبلاد والحضارة. راهي في الخلى (في الجبل كي لكازيرنا)

على حساب الحالة ندوروها عقلية عسكر.

المهم بالنسبة للفروع انا علابالي رياضة "ومن زهرهم"

البيولوجيا اولى جامعي

جيولوجيا كامل (من زهرنا لعوج)

وقاية وامن صناعي اولى جامعي

والتسجيلات في الاقامات تاع فسديس راهي بدات بالاحد

وانا رحت ومازال حتان نشوف كاشما نطرافيكي

هذا لي علابالي بيه والجديد



ودمتم في رعاية الله وحفظه

شكرااااااااااا يا اخي شعيب وعابر السبيل واختي همس الليالي لقد قلت الحقيقة عندما ذهبت الى فيسديس وجدت مراقب يراقب القطار باش يحكم الوقت نتاعو راهو قالي¨القطار ينطلق من جامعة الحاج لخضر ذاهبا الى عين جاسر مرورا بجامعة فيسديس حيث يقطع هذه المسافة ذهابا فقط في مدة زمنية قدرها ساعة ونصف يعني متوسط الزمن ذهابا وايابا ثلاث ساعات ......المهم نقولو المثل نتاعنا = اطلب العلم ولو كان في فيسديس

السلام عليكم اخواني
قطب فسديس مليح بزاف ويمتاز بالحضارة والحقيقة ماهوش كبير بزاف بزاف صح كبير على الحاج لخضر بصح تقريبا النص نتاعوا باطيمات تاع العمال والالاساتذة و....و.... والاقامة تاعوا مليح بزاف لي باغي يبات يتاصل بيا الشامبرا تقريبا 4م*2.5م
(كبيرة؟؟) روعة كل زوج عباد في غرفة وكل واحد عندو طابلة وكرسي باش يقرى والخزاين تاع الحيط واسعين وكاين في الغرفة شوفاج و نافذة المهم روعة وما يقتلكش البرد والاقامة مقسمة
كل فرع حاطينوا في باطيمة وكل باطيمة يرمزولها بحرف كاين منAحتىH وكل باطيمة فيها حوالى 150 غرفة موزعة على حوالى 4 الى 6 طوابق حسب الطلاب الاقامة مجهزة والفناء تاعها اخضر بالعشب والماتيكو رائع وكاين في الوسط المطعم على البروميار من تحت مطعم ومن فوق النادي يعني اذا حبيت تتقهوى في الهواء الطلق وطل على الطريق او تدير التيتانيك هاذي فرصتك واش نقلكم النادى رائع يكفي نقلكم فيه شاشة بلازما كبيرة مع اشان تاع الموسيقى (اباز قاوية)للمشاهدة وجميع المشروبات وفيها البيار والعاب اخرى (الاسبوع الجاي يجيبوهم)
وكاينة حافلة داخل الجامعة تنقل الطلاب من محطة القطار الى الاقامة والجامعة وحافلات يتنقلوا داخل الجامعة
القطار كاين زوج كل واحد عندو برنامج واخررحلة على الخمسة ونص بغيت نجيب البرنامج بصح قالوا راح يبدلوه باش يتناسب مع القراية الحوايج لخرين راني ركبت في القطار ....راااااااااائع البرنامج تاع القطار تلقاوه في جميع حافلات النقل الجامعي وفي الجامعة (كي نجيب البرنامج نعتهولكم)
اما لقريانة راح تكون في الحاج لخضر وكي تحل فسديس يحولونا ليها وقالوا بلي لا كثرت 15 نوفمبر تحل واذا ماحلتش تحل في جانفي (اذا حلت اصلا)
و سمعت بلي راح يسمسموووها "جامعة بن بولعيد"
وهذه كل معلوماتي وكل مارات عيني وكل ماسمعت

يعطيك الصحة يا اخي بصح كي تعود تقرى ذرك تشوف..تعود تنوض على 5باش تروح للحاج
راني مانيش نذم في الجامعة ولا في الهياكل نتاعها ولكن راني حاير في المشكل لي دارولنا
وربي يكون في عونا وغونكم
* العلم كثير والعمر قصير* وقال الشاعر"
كُلَّمَا أدَّبَنــي الـــدَّهْرُ أَرَانــي نَقْـــصَ عَقـْلـــي
وَكَلَّمَـــا ازددتُ عِلْمـًـا زَادَنِي عِلـمًــا بــجَهْلــي
ارجو لكم التوفيق

ما اجمل ان تسمى الجامعة باسم من ذهب للشهيد والبطل الاوراسي***مصطفى بن بولعيد***

اللهم ارحم شهداءنا الابرار واجعلنا خير امة تقتدي بخطاهم وخطى الحبيب صلى الله عليه و ا سلم

اااامييييين ااامييييييين يا رب العلمين

السلام عليكم المهم قالهم الوزير حلوها لازم يحلوها لشتى متقراوش فيها تسكنو برك انا راني مقدرة هذا الوضع لاني نسكن في اقامة عمار بن فليس لي جات في الحاج او نقرا في العربي تبسي او في بعض الاحيان يروح عليا الحال ربي يكون في العون كل هذا من اجل العلم او من بعد كي نتخرج رانا نشبعوا الرقاد والقعاد