الحلقة العـــــــــــــــــاشرة معاك يا ..أسماء المسيلية

من طرف victor720 الثلاثاء أكتوبر 27, 2009 4:52 pm

هذا الاسبوع الكرسي مخصص للاخت اسوووووووووووووم .....يالله اسووووم كوني صريحة وجاوبي على كل الاسئلة .................يالله يا أعضاء كثرو عليها الاسئلة

من طرف **ربيع الحب** الجمعة أكتوبر 30, 2009 5:50 am

رايحة نضيف اختي اسماء

الحلقة العـــــــــــــــــاشرة معاك يا ..أسماء المسيلية EgP14770

مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
شو أصعب المواقف اللي مريت بها ؟
س شو موقفك من الحب ؟؟ وهل جربته ؟؟ هل تأمن بوجوده ؟؟
س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
) س هل ندمت فحياتك على شي معيّــن
اريد اجابة صريحة
مارايك بربيع الحب

من طرف skander الجمعة أكتوبر 30, 2009 3:27 pm

ما رأيك في المنتدى ؟
من هو العضو الذي اثار انتباهك في المنتدى؟
من هو العضو الأقرب اليك في المنتدى ؟
عضو تتمنين لقائه؟
ما هو هدفك في الحياة؟
لو كان باستطاعتنا أن نحقق لكي أمنية ما هي أمنيتك؟

الحلقة العـــــــــــــــــاشرة معاك يا ..أسماء المسيلية Icon_king

من طرف **ربيع الحب** الأحد نوفمبر 01, 2009 2:49 am

هيا يا اسووووووووووووووووووووووووووووم وينك جاوبينا على الاسئلة يا هرابة

السلام عليكم خاوتي اسمحولي كنت غايبة وهاذا وين شفت روحي راني في الكرسي
المهم مشكور عماد خويا
وربيع مشكورة على الكرسي الباهي
ورح نجاوبكم وبكل صراحه كيما تعرفوني

مالفـرق بين الحب والصداقة ؟ ان اجتمعا فذلك جيد
وهل يمكن ان يسلكا طرق الغيرة ؟ بالطبع

_ما رأيك بهذه الكلمات ..
الخيانة .. اصعب واصعب واصعب شيء في الحياه نتمنى انو حتى واحد مايجربوا لانو بالفعل شعور يقتلك وانت حي.
المرأه..مخلوق جميل لكن لو حسنا بعض عيوبها لانو المجتمع بلا مراة ماعندوش قيمة لكن ان كانت هاذي المراة بالطبع صاحبة خلق ودين وتربية لكن ان خرجت عن النطاق وعن العادات والدين والتقاليد تصبح عالة على كل من هم حولها وتصبح انذل المخلوقات.
الصداقة .. اغلى شيء بالنسبة ليا مانقدرش نقعد بلا صديقة .ولو طلبت مني اي صديقة اي خدمه نلبيهالي ولو فوق طاقتي.ولو قدمتلها روحي مش خسارة فيها
النميمة .. اذا قلنا حاجة ماهيش مليحه وعيب علينا لو تحلينا بيها رح نكونوا نكذبوا لانها ولات عاده في المجتمعات تاعنا ولات فاكهة الحديث قد مالواحد يحاول يبعد عليها لكن مايفوقش يلقى روحوا طايح في شباكها ندعوا ربي انوا يثبتلنا العقل برك.
النفاق ..اكره شي ليا نحب الشخص الصريح واللي يقدملي عيوبي لكن الشخص اللي يكذب ويمثل نكرهوا ومانحبش نتعامل معاه.وانا في طبعي شخص كي نكرهاوا نبينلوا اني نكرهوا ونمقتوا مانقدرش نمثل الحب عليه الله غالب.
شو أصعب المواقف اللي مريت بها ؟ موت جدتي كانت مربيتني منذ كان عمري 7 اشهر لما فقدتها كانت اصعب وامر شيء ليا , كانت اكثر من ام بالنسبة ليا موتها خلالي فراغ كبيييييييييييييير وغيرلي حياتي تغيير نهائي قبل موتها كانت اسماء انسانة اخرى لكن بعد وفاتها تغيير جذري تام.
س شو موقفك من الحب ؟؟ الحب شعور رائع لكن ان وجد من يقدره للاسف احنا في مجتمعات خلطت الحابل بالنابل .
وهل جربته ؟؟ نعم وفي اطار شرعي( خطبة )
هل تأمن بوجوده ؟؟ في السابق ماكنتش نامن لكن لما جربتوا امنت بيه.
س -فأي قرار تتخذه هل ..... تحكم عقلك أم قلبك فيه ... ؟؟ بالطبع عقلي اولا لكن نلقى قلبي مرات يغلبني خاصة اذا كان الموقف مؤثر الله غالب هاذي طبيعه المراة .ومن الأسبق فالتحكيم

قلبك أم عقلك ؟؟؟؟؟؟؟؟ مرات في اثنين
) س هل ندمت فحياتك على شي معيّــن؟
ابدا لم اندم ولن اندم لانو هاذا طبع فيا ندير الحاجه وكيما جات جات تخلى ولا تصيب المهم نكون مقتنعه بالشي اللي نديروا حتى ولو ماخرجنيش.
ومانحبش نقول كلمة ياريت .
اريد اجابة صريحة
مارايك بربيع الحب: حبيبة قلبي وروحي ونحبها ونمووووووووووووووت عليها وكي نطول مانسمع صوتها نحس الدنيا ضاقت عليا , صوتها بالنسبة ليا وكانوا معزوفة لاكبر الملحنين صوتها يبقى في وذنيا كي نحكي معاها وكي شفتها زدت حبيتها اكثر واكثر وتعلقت بيها كل مانتوحشها نروح لصورتها ونقبلها ونقلها نحبك مهبولتي .

مشكور اخي رح نجاوبك

ما رأيك في المنتدى ؟ هو بيتي الثاني كي نغيب عليه نحس روحي مخنوقة ناقصني الاكسجين

وهو من المنتديات الرائعه نتمنالو التميز دائما ونتمنى من الاعضاء ايضا التميز في كل مجالات الحياه.
من هو العضو الذي اثار انتباهك في المنتدى؟ اول مادخلت كنت نحب نقرى مواضيع العضوةlavieوهي الان غايبة علينا نتمنى من الله انو ترجع لانو افتقدناها بزاف .
ومن بعد العضو اسير الشوق وهشام المجنون هههههه ماتزعفش هشام يخي راني اختك الكبيرة هههههههه ومن بعد كاينين اعضاء بزاف التحقوا عدت نحب نقرالهم مواضيعهم امثال ربيع الحب الاخ عبدالغفور ديدي مواضيعو نحب نقراها اول باول كاين ثاني, احمد,محمدقليل,السي المدير,هالة,نوح,بشرى...........
من هو العضو الأقرب اليك في المنتدى ؟ في البنات بالطبع وبدون منازع اللي تحتل المرتبة الاولى في قلبي حبيبة قلبي ربيع الحب ونقلها انو قبل كنت نحبك ولما شفتك وحكيت معاك زدت حبيتك اكثر واكثر ونشكرها على كل المساعدات اللي قدمتهالي لما جيت لباتنة
وكانت زيارة ماتتنساش ابدا.
وفي الذكور اقرب عضو ليا هو خويا الصغير هشام الشاوي نتمنى انو ربي يحققلوا كل امانيه. وماننساش خويا احمد ثاني وقليل واسير الشوق.مكانتهم كبيرة عندي والله ربي .ياخاه ونسيت السي المدير والله نحترمك خويا حقو ونعزك بصح كيما قتلك مازال الموقف اللي صرى كيما تلاقينا ماتحلش راني مزلت زعفانة منك.
عضو تتمنين لقائه؟ كاين اعضاء تلاقيت معاهم
: ربيع الحب,هشام, عماد,حقو,مريومة
وكاين اعضاء اخرين ماقدرتش نشوفهم نتمنى اني نلتقي معاهم ,بلال,هالة بصح وكان نتلاقى معاها نذبحها وراها عارفه لاه السبب؟؟؟؟,نوح,الهام الجزائر اللي نقلها اني نححححححححححححححبك بزاف ,الفراشة,الاخ عبدالغفور,الشافعي,هيثم,انت,زهير,بشرى,اميرة,سارة’رحمة....
ما هو هدفك في الحياة؟ اهداف كثيرة وكثيرة منها نتحصل على شهادة الماجستار , ونكمل البحث العلمي وخاصة في تاريخ الامازيغ.

لو كان باستطاعتنا أن نحقق لكي أمنية ما هي أمنيتك؟
انا طماعه هههههههههههه عندي احلام بزاااااااااااااف
بصح لو تحقولي امنية انكم تجمعوني مع شخص ومانقولش صفتو لانوا الظروف حرماتنا اننا نتلاقاو
تقبلوا تحياتي نتمنى حتى واحد مايزعف مني واللي نسيتوا يسمحلي.

اه نسيت اخت حبيبتي زهرة الجبل نقلها اسمحيلي والله سقطتي سهوا وحتى هي كانلي الشرف اني سمعت صوتها
وخويا وليد ثاني نعزو بزاف ونقلوا راك كثرت غيابك( ههه زعمى انا دائمه الحضور هههههههههههههه) واللي نسيتهم يسمحووووووووووووولي بزااااااااااااااف

من طرف chou_big السبت نوفمبر 07, 2009 3:08 pm

سلام اسوم

من هي اسوم.؟
وشي هي اسعد لحضات اسوم؟

وش ديري كي تقلقي؟
واش كنت تحبي تخدمي كي كنتي صغيرة؟
وشي هي الاعمال لي تخدميها في الفراغ؟

هذا مكان هههههههه

من طرف اسماء المسيلية السبت نوفمبر 07, 2009 3:39 pm

وعليكم السلام بلال خويا
من هي اسوم.؟ اسماء مليكه حجاب 24 سنة من مسيلة ليسانس تاريخ , فتاة عادية جدا لها اهدافها في الحياة وطموحاتها .
وشي هي اسعد لحضات اسوم؟ لحظات كثيرة منها تحصلي على شهادة الباكالوريا , تخرج وتحصلي على علامه 18 من 20 وبتقدير ممتاز , اسعد لحظى اخرى اني كي تلاقيت مع ربيع الحب كنت في حالة لغير طبيعية تعبانة من السفر والبرد وكب تلاقيت معاها شعرت بسعااااااااادة كبيرررررة وكي تلاقيت ثاني مع هشام وعماد مريومة وحقو والله كانت اسعد لحظ في حياتي وكاين لحظات بزاف مانقدرش نذكرهم كامل.

وش ديري كي تقلقي؟ نحب نقعد وحدي لاني علابالي باللي رح نخسر الطرف اللي راه معايا ورح نغلط في حقو نفظل الانسحاب افضل من اني نفقدو ا
واش كنت تحبي تخدمي كي كنتي صغيرة؟ هههههههههههه ياحسراه على زمان كنان حلموا بزاف انا كنت نتمنى نولي استاذة او طبيبة لانو كان عندي جدي ربي يرحموا مريض وهو اللي رباني وكنت كي نشوفوا يتالم نقلوا ماتخافش كي نكبر نولي طبيبة ونداويك وباطل بلا دراهم كان يقعد يضحك ويقلي مانعرف لا نحيالك لذاك النهار ولا لا. اما استاذة لانو عمامي معلمين واساتذة كانت تعجبني كتاباتهم ومسطرة خاصة الصفرة الكبيرة والكوس نضال نلعب بيهم .
وشي هي الاعمال لي تخدميها في الفراغ؟
كاين وكاين كيما الصيف نحب نخدم في الخياطة والطرز اما في الشتا نقرى كتابات وعندي سوسة اسمها التسياق وكان نصيب نضال هازة البالية والفيتوار ههههههههه
هانا جاوبناك خويا كشما تحب تزيد تسقسي سقسي ههههههههه