حقيقة التدريس الجزائري مهمممممممممممممم

للاساتذة والمراهقين والمراقبين
راهي جات البلتا مكتوب فيها توبيخ
1 في الجغرافيا او 2 في تاريخ
او زيد كتبولي حذاري السلوك
لكان مسكمتش روحك رنا نحوزوك
غبت 4 سوايع كتبولي شهرين
حطوني في للست تع المشغبين
الاستاذة تع الشريعة ربي بارك مدينا بصح تشيت فئة معينة
الاستاذة تع الماط معاملها كبير تغلط متديش رحت عليك
الاستاذة تع العربية حصتها تكسر الراس كي تدخل تحوزني على الكراس
او كي تلحق حصة تع القانون نصف التلاميذ نائمون
استاذة الفلسفة حركتلي راسي بالتفلسيف
استاذة الفرنسية يلطيف حركتلي راسي بانت روكتيف
منحكيلكومش على استاذة الانجلزية انا منفهمش او هيا تهدر بالكورية
لكان على المحاسبة اباب منحكلكش عليها جبولنا وحد لبروف حتى واحد ميشتيها هز يديك لسماء واقول ربي يهديها دعاوين التلاميذ راح اخرجوا فيها
منحكيلكومش على لي داروا اللغة الاجنبية راسهم تحرك من اللغة الاسبانية
ولي داروا العلوم ربي يعاونهم ويلطف
اساتذة تع معارف كيما راهم
ما يقريو ما يفهموا يعرفوا غير الاضراب
الاساتذة تع اليوم كلش عندوا ليكور اقولك حب تفهم ارواح دير عندي ليكور
لخاطر مسكين الشهرية متكفيش
لزم اعبي جيبوا بصوارد الزوالية
هذي هيا الدولة الجزائرية كل يوم قانون و كل يوم ميزانية اما المراقبين لي جبوها من ورنا كيما راهم حكرين المراقب العام عملها رجلة حسب روحوا فوندام كي تدخلوا سارة يتكالما كي لخروف اقولها مرحبا ارواحي واش حبيتي اني هنا كي تبغيني نكاشيلك كيما تحبي متجي لموك لا باباك
هذي لكليك تع عباس لغرور او ليجان لي يهزوا كرتبلات بلا ادوات

شكرا