يا رب الطف بالجزائر

من طرف **chouaib** الجمعة يناير 07, 2011 9:59 pm

يا ربي الطف بالجزائر واهل الجزائر يا رب

يا خاوتي والله لا القلب راهو يتقطع من الصور والفيديوات لي راهم كل دقيقة نشوفو فيهم

لبلاد يا جماعة راهي تتحرق المشكل ماشي في السكر والزيت المشكل يا الخاوة راهو في الشعب

الشعب الجزائر كان عايش في منذ الازل في حروب ومعارك وختمها بعشرية سوداء

الله غلب الدولة تسرق فينا والشعب سكت بزاااف وحنا الوقت لي يخرج للشارع ويقول بصوت مرتفع خلاص كرهنا من السرقة

بصح يا خاوتي واش من فائدة كي تحرق الحافلة ولا محل تجاري ولا بيت ولا تحطم الطريق وتكسر الانارة
راهي مخلطة في كل الولايات حنا اليوم في باتنة راهي تخلطت في بريكة و مروانة

ارجو من كل الاخوة الدعاء ان يستر الله الجزائر واهل الجزائر من كل مكروه

من طرف **nero05** السبت يناير 08, 2011 11:13 am

ربي يطفي نار الفتنة

من طرف **feirouz** السبت يناير 08, 2011 1:15 pm

والله يا اخي شعيب الكل يعيش نفس الحالة.قلبي يكاد يحترق من الصور التي رايتها في الجزيرة.للشعب الجزائري كامل الحق للمطالبة بحقوقه لكن ليس بحرق المدارس والمستشفيات .يعني في التلفاز راينا صور لخراب كبير لكن هناك خراب مصغر في الجامعات.انا اقصد قسم الرياضة في جامعة الحاج لخضر لم استطع التصديق بان طلبة جامعيين يدرسون في ذلك المكان لانهم خربوا الابواب والنوافذ والسبورة والطاولات .ماذا قدم الشعب للجزائر .لا شيء غير التخريب .واذا ارادوا حقوقهم وتغيير الوضع فليغيروه .لو كان الشعب صالحا لصلحت الدولة.ارجو ان تتوقف عمليات التخريب.

من طرف **بسمة امل** السبت يناير 08, 2011 1:57 pm

ربي يهدي ما خلق الشعب تبالو بلي راح يادي الحكومة من بصح راهو يادي في روحو وفي خاوتو من المفروض نتعاونو على بناء الجزائر لا على تخريبها

من طرف **محمد عودة** السبت يناير 08, 2011 5:47 pm

الله يوفقكم وربي يكون معكم يا رب وما تنسى انو ربي اكبير
انشالله ربي ايكون معنا جميعنا ويبعدنا عن طريق الشر ويسلكنا طريق الخير يا رب
قولوا امين .............