استفسار من اهل باتنة.....

من طرف cirta25 الثلاثاء سبتمبر 28, 2010 6:57 pm

السلام عليكم و رحمة الله و بركاته.
صح ناس باتنة و كامل اعضاء المنتدى..ان شاء الله ربي يدوم المحبة بيناتنا.
عندي استفسار بسيط.....الموضوع هو.
انا من قسنطينة.عندي طريق لجامعة باتنة قسم الاعلام و الاتصال.صحافة....و لازمني نكون في الموعد بصح مانعرفش البلاصة...على هذي حاب نسقسيكم على البلاصة باه مانتاخرش بارك الله فيكم.
*كي ننزل في محطة المسافرين وش من حافلة نركب باه نوصل لكلية الحقوق .قسم اعلام واتصال؟
*الحافلة اللي نركب فيها من محطة المسافرين واللي توصلني للفسم.وش من arret ننزل فيه باه مانفوتهاش وماننزلش قبلها؟
* قالولي البلاصة اللي فيها كلية الحقوق اسمها العرقوب ؟كاين منها؟.
*اي اضافة من عندكم تفيدني ماتبخلونيش...
*الموعد راه مع استاذ لتم ولازم نكون في الوقت المحدد على هدي التوجيه تاعكم يفيدني بزاااااف.
بارك الله فيكم مسبقا ....شكرا.

من طرف **ربيع الحب** الأربعاء سبتمبر 29, 2010 7:25 am

السلام عليكم
حقا هذا المكان هو العرقوب
وين توجد الفرع الي تحوس عليه
اما عن الحافلة الي تركبها سقسي برك توصل للعرقوب ولا لالا
ثم كييي تلحق لازي نتاع العرقوب تهبط تلقى قدامك اقامة مهداوي خديجة
نتاع لبنات تمشي بجنبها حتى تلقى دورة دور عليها ثم تلقى العرقوب ادخل وسقسي
ولا كي تهبط في لاري نتاع العرقوب سقسي برك الي لقيت راح اوجهك
عادي جدا والي يسقسي مايتوهش
بالتوفيق لك اخي
اختك ربيع الحب

من طرف dounia الأربعاء سبتمبر 29, 2010 1:00 pm

يااخي انا من مدينة قسنطينة ادرس اعلام واتصال بجامعة منتوري قسنطينة سنة رابعة اذا اردت مساعدة فانا في الخدمة المساعدة داخل مدينة قسنطينة تقبل مروري

من طرف **ربيع الحب** الأربعاء سبتمبر 29, 2010 2:00 pm

بارك الله فيك اختي
تحياتي لك وشكرا على المبادرة الطيبة
اختك ربيع الحب

من طرف cirta25 الأربعاء سبتمبر 29, 2010 6:01 pm

السلام عليكم.
شكرا اختي الكريمة ربيع الحب على المساعدة بارك الله فيك.كاينة اللي يسقسي مايتوه.الله غالب الموعد شوية ضروري ولازم نكون في الوقت.كون جا الموعد مايهمش لاشتا نتأخر ساهلة نلقى البلاصة لاشتا ندور باتنة كامل..
المهم شكرا مرة اخرى .
شكرا ايضا للاخت دنيا.بارك الله فيك.

من طرف cirta25 الأربعاء سبتمبر 29, 2010 6:07 pm

شكرا اختي الكريمة دنيا ان شاء الله كي نحتاج مساعدة في قسمكم اتصل بك ان شاء الله بالرغم اني لا ادرس صحافة.......انتي ايضا اي مساعدة تحتاجيها في علي منجلي راني حاضر راني نسكن لتم ....شكرا.

من طرف dounia الأربعاء سبتمبر 29, 2010 7:40 pm

شكرا انا تاني نسكن في المدينة الجديدة على منجلى يا اخي حنا جيران شكرا

من طرف **shouda** الخميس سبتمبر 30, 2010 7:04 am

أخي الكريم ، نتمنى ردي ميكونش متأخر.....

من المحطة الجديدة نتاع المسافرين تحكم حافلة بوزران... تحبس في الموقف نتاع العرقوب وكيما شرحتلك الأخت ربيع الحب

تمشي شويا ودور في نفس الاتجاه لي راح تمشي فيه الحافلة لي نزلت منها ...راهي ثم الكلية ...ماشي بعيدة كامل...5

دقائق وتوصل

بالتوفيق