زواوي عيسى بن سليمـان

يا قصــــــاب جيب هوايــــــا باسم الله وبديت نمجـــد والصلاة على محمــد

يحضر لي في يوم الموعد يا شفيـع المسلميــن

ياقصاب جيب هـوايــا وما صاير في الوالدين

بديت كلام بالزربــــة والصلاة عنه بوطيبــة

يحضر لي يوم الغلبـــة ياشفيـــع المسلميــن

سعدي بنت دارت عشــة وتهنات من ذيك الهوشة

ضرك تحلالها المعيشــة ويصدوا ذوك المريــن

قالتلهم قـول لمـــــا هاتيلي طاجين وبرمــة

وقعادك عندي بالحرمــة وما دوخيش في الآخرين

نسيبتو راهي في عــز ة وام تستاهل تتعـــزة

قعدت مسكينة للـــدزة يحلفو فيها لثنيــــن

أم وبـيو في ذلــــة ونسيبو راه يتعـــلا

باغي في بنتي تتهـــن ماعنديش كلمتيــــن

قالو انا منتـــلي فيهـا ولحبيت انت سقصيهـا

ولحبت تسقصيهـــــا واش تقلك ضحي العيــن
قالتلـــو يا بابا يارابح هذا الرجل عندي يصلح

كيما قلت الله يـــربح راهو مطـوع مسكيــن

انا هكذا لينـتهــنــا في قلبي نتمنـــــا

ماتلحقني حتى محنــا الله يصلحكم لثـنيـــن

إذا تفكر وقـــال أم تقلـــو يعطيك غمـة

مصمص فمك من هذا الكلمة لنعميلك هذا العيــــن

ماعدتش تهدر هذا الهدرة وما عدت تعاودها مــرة

اكوي ذاك القلب بجمرة وانس مثل المفطــومين

نحي هذا الدمار عليـنا من امك وابيك ملينــا

ايدي وايدك وين امشينا ولا زعــاف الوالدين

قالهـا شيبتي راســي طالت اعمارهم واش اتواسي

نقتلهم وانروح نباصـي والا ندفنهم حييـــــن

كي تباصي بادلالـــي انا واش ابقــــالي

نطلبو ربي العــالـي الله يرفعهم لاثنيــــن

ايكون ترفدو عنـــا تهنينا وعشنا ذيك العيشة الزينة

وحــــنا منبسطيــــــن
اذا ماكش عابي بــي انا اروح لمـــــا ليـــا

كاين من يستــن فيـا يسمع يخلطني في الحيـــن

قالها انا فرحيــــك مانيش مفرط فيـــــــك

ندير العشة وانرهيــك ونتركهم هما لا ثنيـــــن

امي وابي هما الي ظلاما يحوسو يظيرولي لحمامـــة

خيرلي من رهبة الزعامة كيفاه نترك كـحل العيــــن

مكانش واش الي برضاهم والي قال يدز امعــاهـــم

هذي راهي لالاهـــم تسواهم هما لاثنيـــــن

انا ضرك قدت ايامــي انروح لحمام الشامـــــي

نلقا لحراير قدامــــي نقصر ثـم ساعتيـــــن

الشيخ والعجوز اتهانـو ترضالهـــم كـانــــو

يمسحهم مايعودوا يبانـو نقعدو احنا مستقليــــــن

قلت لالا على الفلاحــة خليني نصبح مرتاحـــــة

نخرج نسـوج في الساحة بنات العم مقصريــــــن

ماتركب عودة والدنـــي مانمخض شكوه وانغانـــي

طلاعة وانت متهانـــي واش يحيرنــا لاثنيــــن

من لكناسة راني مليــت بعت البقرة واتهنيـــــت

اباط احليـب وقرعة زيت وحنــا متعشييـــــن
بكري طاقنا بالمثنانـــة واحنا في ذيك الهاــانــة

حتى من الدخان اعمـانة واحنا متمحنيـــــــن

ضرك ظاقنــا بالكــارو حتى ابناتنا كبرو وبــارو

بالوعارة عنا جـــارو كيما تهدر مكشوفيـــــن

عجـوزي لانباسي عليهـا ومادام انا قايم بيــــها

واذا مت انخـاف عليهــا ليهــا رب العالميــــن

لكانك غابط فيـــهــم انا منرجاعش ليـــــهم

كون انصيب ما انشوفاش فيهم ونروح لام في الحيــــن

تروح تخرج بالطـــولة ويجي يلقا الدار مقفـــولة

وراحت زناد البشطولــة نستنا كاملت الزيـــــن

عندي امرأة مافحلهـــا في كلاش قادرة على شغلها

كتنوض للقاهوة اطيابهــا تضرب منها فنجليـــــن

تدري روحهـا تكبربالراجل تضرب هي ربع افناجــال

تخدملك خدمت لهجاجــل تلعبلك بمكحلتيــــــن

طاحت ساجد الذل على الرجالة والغرزات فاتو الهجالــة

تطنطخ تمشيلك قبالــــة ماتحسبكاش حتى ويـــن

هذا جيل النقابيــــــة وبعينيهـا تلوب ليــــا
تمشي مشيت الفنطازيـــة من قلت لحيـا والديــــن

اضـال تحسبلك في الغاشي كلي راكب كلي ماشــــي

ذا خاطـي وهذا من عرشي تعقب من بينهم لاثنيـــن

يضا لولك سربة سربـــة حارت فيهم حتى الطبــة

الكنسيرج منهم في غلبــة الصالة مليانة لاويــــن

ادمـر الراجل وجي تصدم الدالة ليا ويـن امقــدام

بعد اللورة لعود تحشــام نحيتو لحيـا والديــــن

تتاخـر واجي تحشــار ويكوفرولك مثل العسكــر

والفكتـور فيها ينطـــر جيبيلي الشهـود اثنيـــن

كيجاو الناس العقا لـــة دارو في ذيـك الحالـــة

قالول انطحت الشعالـــة هذي رضايت الوالديـــن

إذا قلتو هذا شي ء بصح نعيد اكلامـي ونفصـــح

نرفع بنديــر ونمـــدح الفاتح رب العـالميــــن
الكاتب :بن عامر لخضر

من طرف **abdelhake** الخميس فبراير 11, 2010 4:46 pm

قصيدة رائعة بارك الله فيك

زواوي عيسى بن سليمـان

زواوي عيسى بن سليمـان

رد: زواوي عيسى بن سليمـان