الحلقة الحادية عشر معاك يا عماد

بربرة كتب:سلام اطيب من مسك لزميلنا عماد الدين الذي و ضع اليوم في قفص الإتهام و ما عليه لكي يخرج منه إلا بالصراحة لأنها راحة له و لنا نحن و الآن سابدأ بأسئلتي يا عماد :

أول سؤال اود أن تبحث لي عن معنى غسمك بالتدقيق ؟ و هل يحس عماد بالثقة في النفس عندما يناديه احد بهذا الإسم أم العكس تماما؟
معنى اسمي هو الصلاة ..الصلاة عماد الدين ....بالطبع عندي ثقة بالنفس ونحب اسمي بزااف
متى يعرف عماد قيمة الناس الذين يحبهم ظ
اي شخص يحس بقيمة اللي يحبوو كي يفقدوو ولا يغيب عليه
كيف ينظر عماد للماضي ، هل هو مجرد أيام عابرة و فقط أم انه ذكرى يتمنى أن تعود و يعيشها باستمرار ن أم أنه نقطة سوداء لا يريد ان يمنحها أي اهتمام و يسعى قدر جهده لمحوها من محطة حياته ؟

الماضي ذكريات قد مضت منها الجميل ومنها السيئ هنــاك اشياء احب ان اعيشها وهناك اشياء اتمنى عدم عودتها لكن في الاخير الماضي يبقى ماضي مضى والسلام عليكم ما علينا الا استخلاص العبر منه ونعيش الحاضر
على أساس أن كل شخص بهذه الحياة لديه ىمال و أحلام و طموحات يسعى لتحقيقها . فما هي طموحاتك و هل حققت منها ولو الشيئ اليسير ؟
طموحاتي والله مزال معنديش هدف معين حاب نوصلوو في الوقت الحالي حاب نكمل قرياتي واللي يجي فيه الخير ,اما عن الاحلام عندي شوية احلام بالصح المهم تحقق والحمد لله وهو في 2002 كي شفت فريق تركيا وكوريا طللعوو لنصف نهائي كأس العالم قلت في روحي علاه احنا الجزائر جامي نفرحوو بيها كما هاك وتمنيت اني نشوف الجزائر في كأس العالم والحمد لله ايامات برك ونشوفوها ونجيبوها نشاء الله يعني الحلم الجاي الجزائر دير حاجة في لاكوب دي موند
هل بكى عماد في حياته و ما كان السبب؟

ايه بالطبع بكيت نقلك سبب واحد ولا الاسباب ؟
نقلك سبب واحد بكيت نهار خسرنا في القاهرة وضربو لي جوار تاوعنا ...غاضتني الحقرة +بكيت كي ربحنا لاني كنت مشارجي وكنت خايف مع الحقرة ونخسروو وتكون كارثة نشوفو المصاروة يستشفاو فينا ...
ما هي ردة فعل عماد عندما يحرجه الطرف الآخر مهمن كان و يسيئ فهمه ؟
ما تخافيش عندي ردة الفعل مليحة ونعرف كيفاه نخرج من المواقف هذي قادر نكون محرج مع روحي بالصح نحاول ديما نخرج من الورطة ههههههه بالصح الحمد لله اصلا منخليش روحي في المواقف هذو ديما نهرب براسي قبل ما تجي وكي تجي راني نحلها
هل تجرع عماد يوما من كأس الحزن و ق'سوة القدر و غدر الحياة، إن كان الجواب نعم فهل قررت أن تتنازل عن طموحك و و تكذب على قلفبك و يكذب هو عهليك ’ أم أنك تسرع لغطفاء أنوار غرفتك ةو تضع رأسك بين يديك و تبكي بكاء الأطفال و تترجى الليل أن يكتم حقيقة حزنك؟
السؤال هذا نقلك ايه نعم ....بالصح ما تخافيش عليا جبت حياتي كامل و المورال طالع يهبط ايامات بصح يعاود يطلع وكي نزعف ولا نقلق ثم ثم تروح القلقة ويطلع المورال يعني منيش من النوع اللي يستسلم للحوايج كما هذوو والحمد لله راني نجاوب على الاسئلى تاعك وانا عندي كنترول غدوة وانا حرف لا بصح معليش كلش يفووت..ولا كي نحبوو شخص والشخص هذاك ما يهموش الامر رغم انك تكوني انت في يوم ما كنت معاه في اوقات كان يحتاج شكون يوقف معاه بصح مع الوقت هو يسمح فيك ......بصح مش لازم نحزن ولا نزعف لاني في الاخير ما خسرت والوو ممكن الطرف الثاني هو اللي خسر لانو مكانش يعرف قيمة الانسان اللي يوقف معاه ؟ واسف راني واللغة العربية منلقاوش عليها راني نحكي بالدارجة
و السؤال الأخير لك و اتمنى أني لم أطل عليك هو: إليك اربع كلمات اساسية أريد منك ترتيبها حسب أهميتها بالنسبة لك في حياتك و هي:
الحب بكل أشكاله - المال - المستقبل - العمل - الزواج - العائلة - السفر -الصديق .