لو البنات خطبوا الشباب شوفوا كيفاش يخطبو

من طرف skander الثلاثاء نوفمبر 24, 2009 12:37 pm

لو البنات مكان الشباب شوفو
*******

يعني تتفاجأ في يوم وأنت قاعد تقرى كتاب رومانسي و تسمع

في غنية سونتيمونتال و تخمم في حبيبة مجهولة , الا و أمك داخلة عليك

و تقولك: يا وليدي باغية نكلمك في موضوع.

ترد أنت بكل خوف : خير يمه؟

تقول أمك: جارتنا باغية تخطبك لبنتها.

وأنت ما شاء الله كبرت و عودت راجل وشباب والكل باغيك. واش رايك؟

و تهبط أنت راسك في لارض و تلعب باصبعك في شعرك (ولا مسطاشك)

و ترد و أنت حاشم و خدودك حومر (هذا إذا كنت محفف اللحية) و تقول:

الشور شورك يا ما إهئ إهئ

تقول أمك: أنا بصراحة ما ني شايفة في البنت والو. ما شاء الله عليها محترمة

و خدمتها زينه و الشهرية مليحة و من عايلة محترمة و من الدارللجامع

و من الجامع للدار .

تقول أنت : خلاص يا يمه هي اصلا ماشفتنيش. أنا دايما متلثم

تقول أمك: هي شافتك و أنت البره في الزقاق

و قالولها الشاب هداك مايروح للقهوة مايجمع ومايخرجش الا مع باباه

وراهم جايين هي وامها باش شوفوك
تسال أنت: اوكي يمه بابا واش رايو

تقول أمك: باباك ماهوش عارف خليه لاتي بالكوزينة وجد في لعشا.

تقول أنت :اللي تشوفيه يما.

وتخرج يماك من الشومبرة

وتنط أنت قدام المراية و دور نص دورة يمين ونص دورة يسار

تشوف الكور تاعك و تمشط شعرك والمسطاش بدلع و تقول

: اه اخيرا حست و خطبتني.

و قبل يوم الخميس تروح أنت لكوافيير رجالي و تكون داير

حجز و تقعد و تصبغ شعرك (ميش) و تحفف حواجبك و تنحي شعر يدك

و رجلك بحلاوة و تطلع كي فلقة القمر

وتجي البيت و تلبس الروبة لي خيطتها عند الخياط

لثياب الأعراس و الحفلات واللي فيه فتحة من عند الساق و فتحه في

الظهر و بدون اكمام و ذاك المكياج وذيك الروايح تهبط للصالة

ويقولك باباك : يالله دخل العصير لخطيبتك يماك من صباح تسال عليك

تقول أنت بكل خجل: بلا عقل بابا راني نحشم

باباك يقولك وهو ربت على كتفك و يضحك يا وليدي روح لعروسك إهئ إهئ

تقول أنت: يا بابا دايما تحرجني أنت.

و تاخذ سنيوة العصير و تخش المجلس اللي فيه البنت و تقول بصوت

ناعم: احم احم الس سسسلام عليكم(عدت حكيم على غفلة)

ترد هي بعد ما وقفت و عليكم السلام ( و هي تشوف فيك و في كل قطعة فيك)

و تقولها تفضلي

تقول هي: وش الاحلى العصير الاحمر و لا الأصفر؟ زعمه تلطف في الجو معاك

تقول أنت: كلش حلو

تقول هي: سور كلش حلو على خاطر انت لي ديرتو

ثم تحط السنيوة ربيد و يدك على فمك و تضحك و تروح داخل ربيد

تلقى خاوتك يستناو وقولوا هاه: واش بابيشة

تقول أنت: هه هه تهبل تهبل حلوة و دمها خفيف و اهههههه

و أبوك من المطبخ يزغرت

يويويويويوويويويوووووووي مبروك يا وليدي

وتدخل أختك من بره و حاطه عبايتها على كتفها

و ضاربة سجارة في فمها و تقول : خير وش كاين

يقولها باباك : نقصي صوتك كاين وحدة داخل خطبت خوك

تقول أختك: وهي وين شافت خويا باش تجي تخطبو هاه؟؟؟؟

و تعطيك كف و تعيط والله لالعن أمها اللي جايه تخطب خويا

وتدخل يماك و تضرب أختك بكف و تخرج أختك بالسيارة و متقلقة

و تروح لإستراحة البنات . ::

و تفوت الأيامات و أنت توجد في لبسة العرس و بيت الزوجية

و في هذي الفترة تعقب عليك زوجتك بالسيارة تخرجوا تمشوا مع بعض و تحاول

إنها تشد يدك و أنت مستحي ( وانت باغي تشدك)

و يجي يوم العرس و تقعد أنت في الكرسي و كل الشباب حولك

يشطحوا و يغنو.

وشوي تجي مرتك

و تدخل العروس مع أمها و أخواتها (أخواتها فوخوا قدام الشباب )

و تقعد العروس قدامك وتضحك معاك

و تقولك: الله راك كي القمر

وانت دور راسك وتحشم

و يتم الزواج و بعد تسع شهر الا وأنت تعيط في الليل

و يودوك للسبيطار و تولد و تجيب توام

وتخرج من السبيطار لدار باباك باش ينفسك باباك ( النفاس 40 يوم)

و تاخذها مرتك فرصة و تسافر مع البنات ويبروفيتيو قبل متكمل مدة نفاسك (الله يعاونك)

و ترجع لبيتك تربي ولادك و تطيب الغدا لمرتك

وتتعايطوا ساعات و ترقد و دمعتك على مسطاشك

وتزيد حدة الخلاف و تدي قشك و ولادك و تروح لبيت اهلك

و تصلح يماك ما بينكم و ترجع الحياة كيما كانت

وشرايكم في تبادل الادوااااااار
لو البنات خطبوا الشباب شوفوا كيفاش يخطبو Icon_queen

بئس تبادل الأدوار هو ؟؟؟

هذا ممكن يحصل في أي دولة الا الجزائر
اللهم احفظ بلادنا الجزائر

من طرف **chaf3i.39** الأحد نوفمبر 29, 2009 3:34 pm

لالالالالالالالالالالالالالالالالالالالالالالالالالالالالا

اللهم أسترنا هذي ممكن تكون في بلاد الغرب عندنا لالا الراجل راجل والمراة مراة

من طرف victor720 الأحد نوفمبر 29, 2009 5:53 pm

بدووووووون تعليق ؟؟؟

من طرف skander الإثنين نوفمبر 30, 2009 11:14 pm

وين راكم أين مشاركاتكم

يا لطيف كرهتني في النسا قاه هاد الصوالح راهم يصرولهم

من طرف **abdelhake** الخميس ديسمبر 03, 2009 12:54 pm

مكانش منها هاذي يا لطيف الرجالة يعودو يتخطبو أواااااااه

من طرف MAryouMA الإثنين ديسمبر 28, 2009 11:38 am

hako oskot la nbaya3 bik
hhhhhhhhhhhhhhhhhhhhhhhh

من طرف اسماء المسيلية الأحد يناير 03, 2010 6:38 pm

يعطيك الصحة اسكندر خويا على بالك من بديت نقرى فيها وانا نضحك نضحك نضحك حتان عدت نفركس بالضحك
الله يجيبلك فرحه على فرحه كيما ضحكتني من قلبي
بصح والله تجي فرشة وكان تعود صح لالالالا المراة مراة والراجل راجل وكل واحد في بلاصتوا

من طرف **Ace stone** الإثنين سبتمبر 20, 2010 6:38 pm

ياي خلات راني نتخيل
ام البنت : ياي جيناكم بالحسب والنسب وجينا نطلبو رجل بنكم ليد بانتنا
ام ال طفل : ياي قابلة وبنتك الله يبارك مراة ونص وانت حاشم مداير الشال على راسك او من بعد تنحي الشال وتقلك البنت اااااااااااااااه القمر طل اومن بعد تقلك امك واش تشرط بني تقلها والدمعة على خدك نشرط فرد حاجة وانت عرفها بلي خلات تقلك امك واش هي؟ تقلها تخليني نخرج برك وما تحبسنيش في الدر
ياي والله تقول ماك راح تتزوج ما ولو دقول راك رايح تقاجي وتحارب في الفيتنام ههههههههههههههههه
تخيل

لو البنات خطبوا الشباب شوفوا كيفاش يخطبو

لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو

رد: لو البنات خطبوا الشباب شوفوا كيفاش يخطبو