تدخين الطالبة الجامعية

من طرف فراشة الربيع الأحد أكتوبر 25, 2009 8:32 pm

لقد استفحلت مؤخرا ظاهرة التدخين في وسط الطالبات الجامعيات، و قد بدأت هذه الظاهرة محتشمة حيث كانت الطالبة المدخنة تختبئ في حمام البنات لتدخن و لكن اليوم أصبحت تدخن علنا و دون حياء أمام مرأى الجميع ضاربة عرض الحائط كل القيم الاجتماعية و الأخلاقية و الدينية التي من المفترض أن تتحلى بها كل فتاة جزائرية و خاصة الطالبة الجامعية التي تمثل زهرة المجتمع. فما رأيكم في هذه الظاهرة؟ و أريد من فضلكم آراءا معمقة و تحاليل من منظور اجتماعي بحث. ما هي انعكاساتها على المجتمع و على الفتاة الجزائرية؟ و ما هي الحلول المقترحة للحد من هذه الظاهرة؟
في انتظار مشاركاتكم القيمة...

من طرف skander الأحد أكتوبر 25, 2009 9:53 pm

سلاااااااااااااااااااااااااااااااااام

صدقيني أختي مثل هذه المواضيع تصيبني بالقشعريرة والشفقة لحال البنت

وبكل تأكيد طيح قيمة الطفلة لي ربي خلقها عفيفة ونورمالمون على الأقل تعاف الشي هذا

مي دوكا البنت باغية تخرج من العفة تاعها وترجع ماعلاباليش واش نقول فيها

وين راكي رايحة يا أخت... أعطي لنفسك قيمة واثبتي وجودك في هذا المجنمع ماشي طيحي

بروحك...

يعني حتى الشباب دوكا عاد فيريفي البنت من لول وسقسي عليها في حوايج تبان تافهة مي هي لازمة...الواحد عاد خاف على روحو...

بنت تتكيف واش معناها هذي وين واصل تخمامها ؟؟؟؟

ربي يسترنا انشاء الله...

انا مذبي نلقى وحدة قارية ومثقفة وتفهم في الدنيا هذي ومدينة قادر نعيش معاها ونفرحها وتفرحني

ماشي تتكيف قدامي -ولا حتى معايا - وطيحلي الهدرة حشاكم ولا تحشم بي قدام الغاشي بلباسها و.....

الى بنات المنتدى ربي يستركم انشاء الله اما الشباب ربي يهدي لي راه يتكيف...

أرجو اني بلغت الفكرة من قصدي...

تدخين الطالبة الجامعية Icon_king

من طرف victor720 الأحد أكتوبر 25, 2009 10:24 pm

لازم الذكور يبطلو من التدخين هههههههههههههههههههههههههه

من طرف **nero05** الإثنين أكتوبر 26, 2009 2:15 pm

والله هي ظاهرة بدات تنتشر بقوة لكن قبل ما نحاسبو الطالبة على الشيئ هادا خليونا نعرفو الاسباب لي خلالتها دير هاكا

لازم نعالجو الاسباب و ماشي النتائج
والسؤال هنا .
منين تعلمت هاد الطالبة الدخان
الاكيد انها اما من صديقاتها و المقربات منها
واما من العائلة تاعها
يعني حاب نقول بلي الجو المحيط بالطالبة هو السبب دون اهمال انو بعض الطالبات يحسبو رواحهم كبرو كي طلعو للجامعة
وانا نشوف بلي الحل هو في قناعة و تربية الطالبة وانو بنت الفاميليا عمرها ما دير هاك

من طرف فراشة الربيع الإثنين أكتوبر 26, 2009 3:31 pm

كلامك فيه شيء من الحقيقة يا نذير و لكن لا يمكن ان نرمي بالمسؤولية كاملة على المحيط او الأسرة فالفتاة لها دور كبير في ذلك أيضا.

من طرف skander الإثنين أكتوبر 26, 2009 5:18 pm

ممكن المحيط صح مي ماهوش حاجة كبيرة لانو كاين بزاف بنات معاها
وعلاه هم ميتكيفوش

نظن في نفسها هي واش راها تخمم

ولا كيما قال الاخ انها حسبت روحها حرة لدرجة تفقد التحكم في نفسها ودير حوايج
مايقبلهاش اي عاقل ... تدخين الطالبة الجامعية Icon_exclaim

انا ثابت الموضوع هذا عجبني بزاف لأنو خلاني نفكر في حاجة لحد الآن ملقيتش الحل مع روحي

بلاك كاين حاجة مليحة في التدخين تاعها هو اني خدمت راسي شوي لي ليه بزاااااااف مخدمش

لوووووووووووووووووووول تدخين الطالبة الجامعية Icon_wink

من طرف عزالدين الإثنين أكتوبر 26, 2009 5:29 pm

موضوع قيم وفي المستوى لكن للاسف حلول صعبة جدا لان الرجل صعب عليه يبطل الدخان

مبالك المراة بطبعها عنيدة خاصة الخراجين عن الطريق المهم ربي يهديهم ويستر بناتنا وبنات المنتدى خاصة

من طرف فراشة الربيع الإثنين أكتوبر 26, 2009 5:43 pm

و الله يا اخي أنا نشوف بلي الخلطة و صحبة السوء هي اللي تجر البنات إلى مثل هذه الأمور كما أن ضعف الإيمان و الرغبة في كسر الحواجز أو القيود الإجتماعية هي التي تدفع بالفتاة إلى مثل هذه السلوكات المشينة و المخلة بالأخلاق و حسب رأيي تكثر خاصة عند الفتياة اللاتي تربين في أسر كل شىء فيها ممنوع حتى إبداء الرأي و بالتالي تحس الفتاة نفسها كالسجينة التي أطلق سراحها بعد سنوات من الكبت و الضغوط فتجد نفسها تائهة و حائرة لا تعرف كيف تستغل حريتها...

الفتاة عندما تدخن عادي جداااااااااا

أتعرفون لماذا ؟؟؟؟؟

بكل بساطة والله وثم والله هناك أفعال أخرى يديروها البنات صدقوني التدخين أرحم منهم بكثير

لا داعي لذكر الأفعال المشينة التي ترتكبنها بنات الشارع ( عافاكم الله يابنات الفاميليا ) لأن في المنتدى بنات أحترمهن و أخجل من أن أجرح مشاعرهن

لكن يا أختي الكريمة أتعرفين لماذا وصل ببنات اليوم حتى صاروا يدخنون و.....؟

-لباسهن يا أختي الكريمة فاضح إلى درجة أنك عندما تسمع أن فتاة متبرجة تدخن تظن أن الأمر عادي

-كثرة مخالطة الرجال وما أدراك ما رجال اليوم ..............إلى من رحم ربك

-الجهر بالإثم ( كل فتاة تتباهى أمام صديقاتها بلمعاصي التي ترتكبها )

-الحرية المطلقة التي يجدونها في الجامعة وعدم مراقبة الأهل ....إلخ

هناك أمور كثيرة ساهمت في إنحراف بنات اليوم فالبعض منها تستحي أن تذكرها

ولكن أتمنى من الفتياة الصالحات أن يكون لهن دور فعال في نصح بعض البنات فربما ترجع إلى الطريق الصحيح فيكون لها الأجر العظيم

اللهم أهدنا وأهد بنات المسلمين

التدخين موضوع خطير على الرجل فما بالك على المرأة

في رايي السبب الاول لتدخين الطالبة هم اصحـــــــــاب السوء لانهم يؤثرون اكثر من الشيطان وثاني الخوف من الله والتربية:وحدة كي تكون تخاف ربي حطها وين بغيت وماتخافش تجي تدير حاجة بصح تفكر بلي ربي معاها

ولبنات كي يروحو للجامعة يحسسو رواحهم بنوع من الحرية بصح عسهم نهار لي يروحو فيه لديارهم تلقاهم يبالغو في الحجاب(دير مقارنة مثلا بين يوم الاثنين والخميس تلقا اختلاف واضح)

والطفلة قبل ماتتدخل للجامعة باش تتعلم لازم تتربى في دار باباها قبل ولقراية ساهلة

المهم ربي يسترنا ويحفظنا

اللهم استرنا فوق الارض وتحت الارض ويوم العرض

***اذا خلوت الدهر يوما فلا تقل خلوت وقل عليا رقيب***

مشكوووووووووورة اختي فراشة على التنبيه لمثل هاته المواضيع الحساسة واراء الشباب كامل كانت صائبة وفي القمة

التدخين موضوع خطير على الرجل فما بالك على المرأة

في رايي السبب الاول لتدخين الطالبة هم اصحـــــــــاب السوء لانهم يؤثرون اكثر من الشيطان وثاني الخوف من الله والتربية:وحدة كي تكون تخاف ربي حطها وين بغيت وماتخافش تجي تدير حاجة بصح تفكر بلي ربي معاها

ولبنات كي يروحو للجامعة يحسسو رواحهم بنوع من الحرية بصح عسهم نهار لي يروحو فيه لديارهم تلقاهم يبالغو في الحجاب(دير مقارنة مثلا بين يوم الاثنين والخميس تلقا اختلاف واضح)

والطفلة قبل ماتتدخل للجامعة باش تتعلم لازم تتربى في دار باباها قبل ولقراية ساهلة

المهم ربي يسترنا ويحفظنا

اللهم استرنا فوق الارض وتحت الارض ويوم العرض

***اذا خلوت الدهر يوما فلا تقل خلوت وقل عليا رقيب***

مشكوووووووووورة اختي فراشة على التنبيه لمثل هاته المواضيع الحساسة واراء الشباب كامل كانت صائبة وفي القمة

من طرف الفراشة الأربعاء أكتوبر 28, 2009 1:42 pm

والله كارثة انا سألت فتاة لماذا تدخن جاوبتني( راني دايرة ريجيم و الدخان يقلل الشهية )
ههههههههههههههه سبحان الله
ربي يسترنا

من طرف **shouda** السبت فبراير 20, 2010 11:15 pm

بمجرد مانتكلمو على الطالبة المدخنة في الجامعة مباشرة يروح تفكيرنا مباشرة للطالبات المقيمات...يعني بصراحة
لكن هذه نظرة فيها الكثير من الاجحاف والظلم...يعني ليس دائما
بدليل أن التدخين ينتشر أيضا في الثانويات أين تكون التلميذات غير بعيدات عن أهلهن

أعتقد أنه لا يجب أن نحمل لا الأهل ولا الظروف التي يتحججون بها المسؤولية...المشكلة كيف تفكر هي
اللهم اهدهن....

من طرف MAryouMA الخميس مارس 25, 2010 10:33 am

rabi yahdihom

من طرف شرير السبت مايو 29, 2010 1:48 pm

سلام : الانسان في طبعه ينقسم الى عدة طبائع ف
منهم من هو كذهب الخالص لا يتاثر بطباع السيئة وان تأثر فأنه يلاحظ التغير ويستحي منه فيعمل جاهدا على اعادة اللمعان والبريق لحياته بكل ثمن .
ومنهم طبائع كا الحديد صلب قاسي لا يتاثر بالشدائد الكبار ولكن ينهار بأبسط التفهات ومن ثم الى الانهيار التام هكذا المدخن اذا كان ذهب فسرعان مايقلع وان كان حيديد فهو يتباهى بقوته حتى يدخلو الماء لصباط

من طرف costranova05 الإثنين أكتوبر 04, 2010 10:54 am

انا اللي راجل ومانتكيفش
سبحان الله

Embarassed

من طرف **feirouz** الخميس نوفمبر 11, 2010 11:57 am

بصراحة العام الماضي كنت نشوف بنات يتكيفو قدامي .ويهدرو على انواع المخدرات الي يشروها .شحال من مرة قالولي جربي .ماتخسري والو كي تجربي.كنت نقولهم حتى ويلا ما جربتش ما نخسر والو .بصراحة ماقدروليش.كيما يقولو لي متربي من عند ربي.وانا في رايي البنت لي تتكيف ماشي على جال الظروف القاسية بصح على جال كانت من بكري على سبة وزادت لقات فرصة.