ابن سأل اباه........شوفو الرد

من طرف **nero05** الخميس سبتمبر 17, 2009 11:53 pm

[center][center]السلام عليكم ورحمة الله

القصيدة عبارة عن حوار ناطق في شقه الأول من طرف ابن فقير سمع طفل الجيران قال له انت مسكين وصامت من جهة الأب في الإجابة عن التساؤلات البريئة للابن.

التساؤل

وَعْـلاَشْ دَارْنَـا صْغِيـرَة *** وْوَعْلاشْ يْقُولُولِي مَسْكِين؟

وَدْيَـالْ جَـارْنَـا كْبِـيـرَة *** وْعَنْدْهُـمْ جْنَـانْ وْبِيسِيـنْ

وَعْـلاَشْ هُومَـا عَنْدْهُـمْ *** طُومُوبِيلْ وَحْنَا مَا عَنْدْنَاشْ؟

وَوْلِيدْهُمْ يْجِيبْ مْعَاهْ دْرَاهَمْ *** وَيْجِيبْ كَرْوَاصُون وَفْلاَشْ

وَانَـا وَالـُو مَـا نَــدِّي *** مْعَايَـا مَاكْـلَـة نَاكُلْـهَـا

نَقْعُـدْ فَالسَّاحَـة وَحْــدِي *** مَاعَنْدِي دْرَاهَـمْ نَحْسَبْهَـا

وَعـْلاَشْ هُومَـا دَايْـمًـا *** يَلَبْسـُوا غِـيـرْ الجْـدِيـدْ

وَانَــا وْخُـويَـا أَيْـمَـنْ *** نَسْتَنَّاوْ حَتَّى يْجِـي العِيـدْ؟

الجواب

يَا وْلِيدِي غِيـرْ اَصْبَـرْ *** وَشْ رَحْ أَنَـا نْقُـولَّـكْ

غَدْوَا نْشَالله كِي تَكْبَـرْ *** تَفْهَمْ الشِّي اللِّي اتْقَالَّـكْ

يَا وْلِيدِي فْهَـاذْ الدَّنْيَـا *** رَبِّـي خْلَـقْ وْ فَـرَّقْ

كَايَنْ اللِّي جْعَلْهُمْ أَغْنِيَا *** وْبَزَّافْ نَحَّالْهُمْ فَالـرَّزْقْ

بَصَّـحْ رَبِّـي يْحَبْـنَـا *** نَرْضَاوْ وْمَـا نَنْزَعْجُـو

وْكِي صَحْ يْشُوفْ صْبَرْنَا *** الهَـمْ هُـوَ يْفَـرْجُـو

[/center]
[/center]

من طرف اسماء المسيلية الأحد أكتوبر 18, 2009 6:35 pm

مشكور اخي

من طرف rozaline الإثنين فبراير 01, 2010 11:48 am

رائعة ... احيانا يجب ان نرضى بالقليل و نشكر الله على نعمه

رد: ابن سأل اباه........شوفو الرد