قصتي مع احد البحوث .......الووقت كسيف ..

من طرف victor720 الأحد أغسطس 30, 2009 12:29 am

انا عماد الدين الشاوي ............. راح نحكيلكم حكاية صراطلي السنا في الجاميعة يخي كامل نعرفو نظام lmd

ايه هذا النظام مشارجي بزاف البحوث عندنا كل اسبوع
ايه قالكم خوكم عماد مرة عندو حوالي 3 بحوث في الاسبوع وحصلت كيفاه ندير وزيد انا مقيم منروحش للدار غير الخميس والجمعة ......المهم بحث واحد فريتو مع صحابي واحد دخلت روحي مع جماعة من البنات ...بحكم ان البنات جامي يردوك في هذي يعجبوني يا خويا وش نقلك الصراحة نشاء الله ديما هك .....المهم بقالي بحث وانا معنديش الوقت الكافي
رحت قدام الميكرو .......شعلو كونكسيو ديراكت google وش نقلك اكتب جملة يخرجلك بحث ......
المهم لقيت البحث والمعلومات اللي نحتاجهم ايا مليح فريناها بحث منظم واجد كلش ............ بقاالي ندير العفسة المشهورة ..........كوبي كولي ....................ايه يالله
صايي طبعت البحث ومكسرتش راسي نقراها يا خويا والله معندي الوقت نقراه غير كيفاه طبعتو حطيتو مع امتعتي هههههههه
قدمنا البحوث كامل ......والحمد لله انا تاني
ايه قالكم نهار صححت الاستاذة البحوث دارتلي ملاحظة وفضحتني امام الطلبة ...........ومليح كي جاو 40 واحد برك حصة tdi مش محاضرة ههههههههههههه
معليش وش صراااااااااااا
البحث اللي درتو مقريتوش معلاباليش وش فيه ............................ في المقدمة موجودة هده الجملة
وفي النهاية اهدي هذا العمل المتواضع .....لاستاذي الغالي الدكتور فايز المحمدي والى كل طلبة الصحافة في جامعة *طلبة سوريا *في بريطانيا ....................... المهم الا علاقة لي بهذا كامل